अमेरिकी खेलकुद पडकास्टले गर्‍यो १० करोड डलरको व्यापारिक साझेदारी

काठमाडौं । पडकास्ट चलाउँदै आएका दुई चर्चित अमेरिकी दाजुभाईले १० करोड बराबरको पडकास्टको व्यापारिक साझेदारी गरेका छन् । त्राभिस केल्स र ज्यासन केल्स नामका ती दुई दाजुभाईले संचालन गरेको पडकास्ट ‘न्यू हाइट विथ ज्यासन एण्ड त्राभिस केल्स’को लागि उक्त व्यापारिक साझेदारी भएको हो ।

अमेरिकी विश्व च्यानल सीएनएनका अनुसार उनीहरुले अमेजनको पडकास्ट स्टुडियो वन्डरीसँग यस्तो साझेदारी गरेका हुन् । केल्स दाजुभाईले संचालन गरेको पडकास्ट मुलतः खेलकुदको हो । उनीहरुले फुटबललाई धेरै प्राथामिकता दिँदै आएका छन् ।

दुई दाजुभाइमा ज्यासन फिलाडोल्फिया इगल्सबाट फुटबल खेलेका खेलाडी हुन् भने त्राभिसको टेलर स्वीफ्टसँगको प्रेम सम्बन्धले उनी चर्चित बनेका थिए । पछिल्लो समयमा मुलधारका संचारमाध्यमसँगै प्रतिस्पर्धामा आउने स्तरका व्यापारिक साझेदारीहरु पडकास्ट संचालकहरुले गर्न थालेको रुपमा यसलाई लिइएको बताइएको छ ।