चलचित्र बोर्डको अध्यक्ष दौडबाट करिश्मा आउट, को-को भए सिफारिस ?

काठमाडौं । चलचित्र विकास बोर्डको अध्यक्षका लागि तीन जनाको नाम सिफारिस भएको छ । सञ्चार तथा सूचना प्रविधि मन्त्रालयका अनुसार दिनेशराज दाहाल (डिसी), दीपा पाण्डे र राजेश थापाको नाम सिफारिस भएको हो ।

सिफारिस समितिले तीन जनाको नाम सञ्चार तथा सूचना प्रविधिमन्त्री पृथ्वीसुब्बा गुरुङ समक्ष पेश गरेको र तीन जना मध्ये कुनै एक जनालाई मन्त्रिपरिषद् बैठकले बोर्ड अध्यक्षमा नियुक्त गर्नेछ । सम्भव त बिहीबार बसेको मन्त्रिपरिषद् बैठकले डिसीलाई बोर्डको अध्यक्ष नियुक्त गर्ने सम्भावना बढी रहेको छ ।

बोर्डको अध्यक्षका लागि बोर्डको अध्यक्षका लागि अभिनेत्री करिश्मा मानन्धरले पनि आवेदन दिएकी थिइन् । यद्यपी उनले तीनजनाको सर्टलिस्टमा पर्न सकिनन् । आवेदन दिएका मध्ये सिफारिस भएका ३ जनासँगै मानन्धर, प्रकाश भट्टराई र अर्जुनकुमार डंगोलसहित ६ जनाको आवेदन स्वीकृत भएको थियो ।