अमेरिकामा मुनाकाे हत्या आराेपमा पक्राउ परेका व्यक्तिको प्रहरीले खुलायाे पहिचान

काठमाडौं । अमेरिकामा नेपाली विद्यार्थी २१ वर्षीया मुना पाण्डेकाे हत्यामा संलग्न आरोपमा पक्राउ परेका ५१ वर्षीय व्यक्ति बबी सिंह शाह भएको खुलेको छ ।

अमेरिकामा नेपालीहरूले सञ्चालन गरेको समाचार पोर्टल नेपयोर्कका अनुसार हस्टन प्रहरीले पाण्डेलाई गोली हानी हत्या गरेको आरोपमा पक्राउ परेका ती व्यक्तिकाे पहिचान खुलाएको हो ।

उनलाई सीसीटीभीमा देखिएको तस्बिरका आधारमा प्रहरीले पक्राउ गरेको थियो । बुधबार ट्राफिक लाइटमा सवारी साधन रोकिँदा उनी देखिएको प्रत्यक्षदर्शीको सूचनाको आधारमा प्रहरीले ती व्यक्तिलाई पक्राउ गरेको हो ।

उनीविरुद्ध हत्याको मुद्दा दर्ता भएको छ । शाह ह्यारिस काउन्टी जेलका पटके अपराधी भएको बताइएको छ ।

स्थानीय समयअनुसार शनिबार राति ९ः४८ मुनाको घरबाट बाहिरिँदै गरेका एक पुरुषको सीसीटीभी फुटेज प्रहरीले सार्वजनिक गरेको थियो ।