पेरिस प्याराओलम्पिकमा नेपालकी पलेशा गोवर्धन क्वार्टरफाइनल प्रवेश

काठमाडौं । पेरिस २०२४ प्याराओलम्पिकमा आफ्नो पहिलो खेलमा नेपालकी पलेशा गोवर्धनले जित निकालेकी छन् । के-४४ ५७ केजीको पारा तेक्वान्दो प्रतियोगितामा भेनेजुएलाको मोरालेस भ्यालेरियालाई पराजित गरेकी हुन् ।

यो जितसंगै उनी क्वार्टरफाइनल प्रवेश गरेकी छन् । उनले अब क्वार्टरफाइनलमा ब्राजिलकी सिल्भाना फर्नान्डिससँग प्रतिस्पर्धा गर्नेछिन् । उनले भेनेजुएलाकी भ्यालेरियालाई ३१-० ले पराजित गरेकी हुन् ।