ब्राजिलमा सामाजिक सञ्जाल एक्स प्रतिबन्ध, भीपीएनबाट हेरेको पाइए दैनिक ९ हजार डलर जरिवाना

काठमाडौं । ल्याटिन अमेरिकी देश ब्राजिलले साबिकको ट्विटर तथा हाल एक्स भनेर चिनिने सामाजिक सन्जाल प्रतिबन्ध गरेको छ । ब्राजिलको सर्वोच्च अदालतले शुक्रवार यस्तो फैसला गरेको हो ।

न्यायधप्श आलेसान्द्रे दे मोराएसले फैसलामा भीपीएनबाट पनि प्रयोग गर्न निसेध गरेका छन । कसैले प्रयोग गरेको पाइएमा दैनिक ८८७४ अमेरिकी डलर जरिवाना तिर्नुपर्ने छ । यो भनेको ११ लाख नेपाली रुपैयाँ भन्दा धेरै हो । न्यायधीशले मिथ्या सूचना फैलाउने अकाउन्टहरु बन्द गर्न आग्रह गरेका छन्। तर एक्सका मालिक एलन मस्कले अस्वीकार गरेका छन्।

यस्तै उनले एपल र गुगललाई ब्राजिलमा एक्सलाई नराख्न पाचँ दिने समयसीमासहित निर्देशन दिएका छन्। यस्तै एक्सलाई लाग्ने जरिवानाको रकम उठाउन मक्स नै मालिक भएको स्टारलिन्कको ब्राजिलको खाता रोक्का गरिएको छ ।

एक्समा धेरै मिथ्या सूचना भएको र त्यो रोक्न एक कानुनी प्रतिनिधि राख्न ब्राजिलको अदालतले गरेको फैसला एक्सले नमानेपछि यस्तो फैसला आएको रुसी विश्व च्यानल आरटीले उल्लेख गरेको छ ।