राफिन्हाको ह्याट्रिकमा बार्सिलोनाको फराकिलो जित

हेटौंडा । राफिन्हाले आफ्नो करियरको पहिलो ह्याट्रिक गरेपछि र शनिवार ला लिगामा रियल भालाडोलिडलाई ७-० ले पराजित गर्दै बार्सिलोनाले सानदार जित दर्ता गरेको छ ।

खेलमा राफिन्हाले २०,६४ र ७२ औँ मिनेटमा गोल गर्दै करिअरकै पहिलो ह्याट्रिक पूरा गरे ।

बार्सिलोनाका लागि रोबर्ट लेवनडोस्की, जुलेस कोन्डे, डानी ओल्मो र फेरान टोरेसले पनि गोल गरे ।

यो सिजन चार खेल खेलेको बार्साले शतप्रतिशत जित निकाल्दै १२ अंक सहित लिगको पहिलो स्थानमा यथावत् रहेको छ ।

बार्सिलोनाले आफ्नो पुरानो प्रतिद्वन्द्वी रियल म्याड्रिडमाथि सात अंकको अग्रता पनि खोलेको छ ।