हाल्यान्डको लगातार ह्याट्रिक, सिटी विजयी

हेटौंडा । एर्लिंग हालान्डले इङलिस प्रिमियर लिगको २०२४-०२५ सिजनको दोस्रो चरणको खेलमा लगातार दोस्रो ह्याट्रिक पूरा गरेपछि शनिवार राती भएको खेलमा म्यान्चेस्टर सिटीले वेस्टह्याम्पलाई ३-१ गोलले पराजित गरेको छ ।

खेलको १० औँ मिनेटमा हाल्यान्डले पहिलो गोल गर्दै टिमलाई अग्रता दिलाए ।

तर खेलको १९ औँ मिनेटमा सिटिले आत्मघाती गोल खान पुग्यो र खेल बराबरी भयो । सिजनको पहिलो खेलबाटै लयमा देखिएका हाल्यान्ड पुनः नायक बन्दै खेलको ३० औँ मिनेटमा दोस्रो गोल गर्दै सिटिलाई पुनः अग्रतामा ल्याए ।

उनले नयाँ सिजनको दोस्रो ह्याट्रिक भने खेलको ८३ औँ मिनेटमा पूरा गर्दै सिटिलाई पनि लगातार तेस्रो जित दिलाए । हाल्यान्डले नयाँ सिजनमा तीन खेलमा ७ गोल गरिसकेका छन् ।