चेल्सी र क्रिस्टल प्यालेसको बराबरी

हेटौँडा । इङलिस प्रिमियर लिगमा चेल्सी क्रिस्टल प्यालेससँग बराबरीमा रोकिएको छ । चेल्सीको घरेलु मैदान आइतबार भएको खेलमा चेल्सी र क्रिस्टल प्यालेसले १-१ को बराबरी खेल्दै अंक बाढेका हुन् ।

खेलमा अग्रता भने चेल्सीले लिएको थियो । घरेलु दर्शकलाई खुसी पार्दै चेल्सीले निकलस ज्याक्सनको गोल मार्फत खेलको २५ औँ मिनेटमा गोल गर्दै पहिलो हाफमा टिमलाई १-० को अग्रता दिलाएका थिए ।

दोस्रो हाफमा प्यालेस खेलमा फर्कियो । चेल्सीले महत्त्वपूर्ण अवसर खेर फालिरहेको अवस्थामा प्यालेसले ५३ औं मिलेटमा एजीको गोल मार्फत खेल बराबरीमा ल्यायो । त्यसयता चेल्सीले कयौँ प्रहार गरेको थियो तर त्यो गोलमा परिणत नहुँदा दुवै टिमले १-१ अंक जोड्न सफल बने ।

खेलपछि ३ खेलबाट ४ अंक जोड्दै चेल्सी ११ स्थानमा रहँदा समान खेलबाट प्यालेसले पहिलो अंक जोड्न सफल बनेको छ भने उ तालिकाको १६ औँ स्थानमा छ ।

आजै निकै चर्चामा रहेको हेवि वेट भिडन्तको अनुमान गरिएको लिभरपुल र म्यान्चेस्टर युनाइटेड भिड्दै छन् । उनीहरूको खेल नेपाली समय अनुसार रातको ८:४५ मा म्यानचेस्टरको घरेलु मैदानमा हुनेछ ।