न्यु क्यास्टलद्वारा टोटनह्यम्प पराजित

हेटौँडा । इङलिस प्रिमियर लिगको आइतबार साँझ भएको खेलमा न्यु क्यास्टल युनाइटेडले टोटनह्याम्पलाई पराजित गरेको छ ।

घरेलु मैदानमा भएको खेलमा युनाईटेडले खेलको ३७ औँ मिनेटमा हार्वे लुईस बार्नेसको गोल मार्फत सुरुवाती अग्रता हासिल गरेको थियो ।

पहिलो हाफ १-० को अग्रतामा रहेको न्यु क्यास्टलको लागि दोस्रो हाफको ५० औँ मिनेटमा खराब अवस्था सिर्जना भयो ।

उसले आत्मघाती गोल टोटनह्याम्पलाई उपहार दिँदा खेल १-१ को बराबरीमा पुग्यो । तर खेलको ७८ औँ मिनेटमा एलेगजेन्डर लास्कले गोल गर्दै टिमलाई महत्त्वपूर्ण ३ अंक दिलाए ।

खेलपछि न्यु क्यास्टल ३ खेलबाट ७ अंक जोड्दै अंक तालिकाको चौथो स्थानमा पुग्दा पराजित टोटनह्याप्म समान खेलबाट ४ अंक सहित १० औँ स्थानमा छ ।