म्यान्चेस्टरको घरमा लिभरपुलको रवाफ
नेपाल प्रेस
२०८१ भदौ १७ गते ८:४०
हेटौँडा । इङलिस प्रिमियर लिगमा लिभरपुलले म्यानचेस्टर युनाइटेडमाथि रवाफिलो जित दर्ता गरेको छ ।
आइतबार राती भएको खेलमा युनाइटेडको घरेलु मैदानमा लिभरपुलले ३-० को जित निकालेको हो ।
यो सिजनको पहिलो हेविवेट भिडन्तमा लिभरपुलको लागि लुइस डियाजले दुई तथा मोहमद सलाहले एक गोल गरेपछि खेल लिभरपुलले जित्यो ।
खेलमा डियाजले पहिलो हाफको ३५ औँ र ४२ औँ मिनेटमा गोल गरे गरेपछि लिभरपुल पहिलो हाफमा २-० ले अघि बढ्यो ।
दोस्रो हाफमा पनि लिभरपुलले म्यान्चेस्टरमाथि थप दबदबा बढायो ।
फलस्वरूप सलाहले ५६ औँ मिनेटमा गोल गरेपछि खेल लिभरपुलले ३-० ले जित्यो ।
खेलपछि ९ अंक सहित लिभरपुल तालिकाको दोस्रो स्थानमा पुग्दा युनाइटेड समान खेलबाट ३ अंक सहित १४ औँ स्थानमा छ ।
नेपाल प्रेस
प्रकाशित: २०८१ भदौ १७ गते ८:४०
प्रतिक्रिया
सम्बन्धित खवर
