जनदबाबपछि निजेरबाट जर्मनीको सेना फिर्ता

काठमाडौं । युरोपेली देश जर्मनीको सेना अफ्रिकी देश निजेरबाट फिर्ता भएको छ । आठ वर्ष निजेरमा बसेर सेना फिर्ता भएको जर्मनीको विश्व च्यानल डीडब्ल्यूले जनाएको छ ।

डीडब्ल्यूका अनुसार सन् २०२३ जुलाईमा सैन्य ‘कू’ भएर सैन्य सत्ता स्थापना भएपछि जर्मनीले सेना फिर्ता बोलाएको हो । फिर्ता भएपछि निजेरको राजधानी मियामे नजिकैको सैन्य शिविर निजेरको सेनालाई हस्तान्तरण गरिएको छ ।

दुई वर्ष अगाडि जर्मनीका चान्सलर ओलाफ सोल्जले पनि निजेर भ्रमण गरेका थिए । निजेरमा विदेशी सैनिकहरु फिर्ता लाने विषयमा सैन्य ‘कू’ भएपछि लामो समय आन्दोलन पनि भएको थियो । आन्दोलनपछि अमेरिकी तथा फ्रान्सेली सेना फिर्ता भएका थिए ।

निजेर सैन्य शिविरमा जर्मनीको १२ करोड यूरो खर्च भएको डीडब्ल्यूले उल्लेख गरेको छ ।

रोचक कुरा पश्चिमा देशका सैनिकहरुलाई फिर्ता गरेको निजेरले रुसी सैन्य अधिकारीहरु ल्याएर तालिम सुरु गरेको छ ।