मुना पाण्डेका नेपाली साथी दीपेन्द्र, जसको सल्लाहले पक्राउ परे हत्यारा
नेपाल प्रेस
२०८१ भदौ १८ गते १३:१४
काठमाडौं । अमेरिकाको टेक्सस राज्यको हस्टनमा हत्या गरिएकी नेपाली विद्यार्थी मुना पाण्डेको हत्याराको सबुत पत्ता लगाउन नेपाली साथीले सहयोग गरेको खुलेको छ ।
मुनाका साथी दीपेन्द्र कुँवरले मुनालाई सीसीटीभी क्यामेरा जडान गर्न सल्लाह गरेका थिए । उनैको सल्लाह मानेर उनले जडान गरेकि थिइन् ।
हस्टनको समाचार पोर्टल क्लिक टू हस्टनका अनुसार दीपेन्द्र र मुना नेपाल एकै ठाउँका हुन् र उनीहरू सँगै अमेरिका पुगेका थिए ।
आफ्नी बैनी नभएका दीपेन्द्रले मुनालाई बैनी मान्दै आएको क्लिक टू हस्टनलाई बताएका छन् ।
कुँवरले मुना पाण्डे र उनका हत्यारा बबी सिंह साहको सम्बन्ध कुनै रेष्टुरेन्टमा भएको हुनसक्ने बताएका छन् ।
उनले मुना उक्त रेष्टुरेन्टको कर्मचारी र साह ग्राहक भएको बताएका छन् ।
दीपेन्द्रले मुनाको उद्देश्य नर्स बन्ने र आमाको हेरचार गर्ने भएको क्लिक टू हस्टनलाई बताएका छन् ।
नेपाल प्रेस
प्रकाशित: २०८१ भदौ १८ गते १३:१४
प्रतिक्रिया
सम्बन्धित खवर
