अब हामीसँग पनि एउटा ओलम्पिक मेडल छ : पलेशा (भिडिओ)

काठमाडौं । पाराओलम्पिकमा ऐतिहासिक पदक विजेता पलेशा गोवर्धनले यो उपलब्धि आफ्नो मात्र नभई सबैको भएको बताएकी छन् ।

राष्ट्रिय खेलकुद परिषदको बधाई कार्यक्रममा पलेशाले अब नेपालसँग पनि ओलम्पिक मेडल छ भन्ने उपलब्धि प्राप्त भएको बताएकी हुन् ।

‘यो उपलब्धि मेरो मात्र होइन ल, सबैका लागि हो,’ उनले भनिन्, ‘हामीले गर्वका साथ भन्न पाएका छौँ । हामीसँग पनि एउटा ओलम्पिक मेडल छ । मलाई गर्व लागेको छ ।’

नेपालले मेडल ल्याउन असम्भव भन्ने कुरा अबदेखि सम्भवमा परिणत भएको पलेशाले सुनाइन् ।

‘मेडलका लागि लामो समयको प्रतीक्षा । सबैले असम्भव जस्तो देखेका थिए । नेपालले ल्याउन सक्दैन कि भनेर,’ उनले भनिन्, ‘मलाई विश्वास छ । अब सबै युवा, खेलाडीहरूले देख्नुभयो । यो सम्भव छ ।’