सार्वजनिक भएको ९ दिनमै करोड क्लवमा विष्णु माझीको तीज गीत

काठमाडौं । विष्णु माझीको स्वरमा रहेको तीज गीत ‘आइनँ आमा यो तीजमा’ सार्वजनिक भएको ९ दिनमा करोड क्लवमा पुगेको छ । यो समाचार तयार पार्दासम्म उक्त गीत युट्युबमा एक करोड १० लाखभन्दा बढी पटक हेरिएको छ ।

श्रीमान सुन्दरमणि अधिकारीको शब्द तथा संगीत रहेको यो गीतले युट्युबमा २४ घण्टामा सबैभन्दा धेरै पटक हेरिने नेपाली गीतको कीर्तिमान राखेको छ । १० दिनअघि सपना म्युजिक इन्डस्ट्रिज युट्युबबाट सार्वजनिक भएको उक्त गीत एकै दिनमा १५ लाख पटक हेरिएको थियो । यद्यपि उक्त गीत यो १० दिनको अवधिमा ट्रेडिङको कुनै तहमा प्रवेश गरेन ।

एकै दिनमा १५ लाख पटक हेरिएपछि उक्त गीत एक हप्ताभन्दा अघि नै १ करोड पटक हेरेर गायक प्रकाश सपूतको गीतलाई पछि पार्ने आँकलन गरिएको थियो । अन्ततः ९ दिनमै करोड पटक हेरिएको छ । गायक सपूतको ‘सकम्बरी’ गीत एक सातामै एक करोड पटक हेरिएको थियो ।

यस वर्ष धेरै हेरिएका तीज गीत

माझीको गीतपछि दोस्रो स्थानमा हेको शान्तिश्री परियारको स्वर रहेको ‘काली पसम की’ गीत ६० लाख ८५ हजारभन्दा बढी पटक हेरिएको छ । प्रेम सापकोटा सोनुको युट्युब च्यानलबाट एक महिनाअघि सार्वजनिक गीतमा स्मारिका ढकाल र जोन बम ठकुरीको अभिनय तथा नृत्य रहेको छ ।

तेस्रोमा गायक पशुपति शर्मा र प्रिया भण्डारीले गाएको तीज गीत ‘मै लुरीलाई’ धेरै पटक हेरिएको छ । गायक शर्माको युट्युब च्यानलबाट एक महिनाअघि सार्वजनिक भएको गीत अहिलेसम्म ५७ लाख ४५ हजार पटक हेरिएको छ । गीतमा गायक शर्मा र जुना विश्वकर्माको अभिनय रहेको छ ।

चौथोमा गायिका समीक्षा अधिकारीको स्वरमा रहेको ‘आउन राजा’ ५२ लाख २६ हजारभन्दा बढी पटक हेरिएको छ । भावना म्युजिक सोलुसन युट्युब च्यानलबाट २ महिनाअघि सार्वजनिक गीतमा आश्मा विश्वकर्मा र विमल अधिकारीको अभिनय तथा नृत्य रहेको छ ।

पाँचौंमा एलिना चौहानको स्वरमा रहेको ‘मन परेको मान्छे’ पनि ५२ लाखभन्दा बढी पटक हेरिएको छ । गायिका चौहानकै युट्युबबाट एक महिनाअघि सार्वजनिक गीतमा अञ्जली अधिकारी फिचर्ड छिन् ।

छैटौंमा गायिका शान्तिश्री परियारले गाएको अर्को तीज गीत ‘थोरै थोरै लाज’ ३८ लाख ७५ हजारभन्दा बढी पटक हेरिएको छ । एक महिनाअघि ऋषि खड्काको युट्युब च्यानलबाट सार्वजनिक भएको गीतमा अञ्जली अधिकारी, विमल अधिकारी र स्मारिका ढकाल फिचर्ड छन् ।

सातौंमा प्रीति आलेको तीज गीत ‘दुनियाँलाई’ युट्युबबाट सार्वजनिक भएको ३ सातामा २७ लाख ५ हजारभन्दा बढी पटक हेरिएको छ । उक्त गीतमा गायिका आलेसँगै चर्चित मोडल सम्झना बुढाथोकी, करिश्मा ढकाल, रुविना अधिकारी र निकिसा श्रेष्ठ फिचर्ड छन् । गीतमार्फत महिलालाई होचो तथा पुड्को, मोटो, अग्लो, कालो तथा यौनिक तथा अल्पसंख्यक समुदाय (एलजीबीटीआईक्यू)को भनेर गरिने विभेद र त्यसविरुद्धको खबरदारी गरिएको छ ।

आठौंमा गायक सूर्य खड्का र सुनिता बुढा क्षेत्रीको स्वर रहेको ‘सीताका माइती’ तीज गीत अहिलेसम्म २६ लाख ६५ हजारभन्दा धेरै पटक हेरिएको छ । गायक खड्काकै युट्युब च्यानलबाट एक महिनाअघि सार्वजनिक भएको उक्त गीतमा जुना विश्वकर्मा र विजय पुन फिचर्ड छन् ।

नवौं स्थानमा गायक राजन कार्की, जीवन दाहाल, कमला सुनार र शान्ति बर्देवाको स्वर रहेको ‘हर हर महादेव’ तीज गीत २६ लाख ५५ हजारभन्दा बढी पटक हेरिएको छ । गायक कार्कीको युट्युब च्यानलबाट सार्वजनिक भएको गीतमा अस्मिता रनपाल र तेजेश रेग्मी फिचर्ड छन् ।

दशौं नम्बरमा मञ्जु थापाको तीज गीत ‘ढकनी र कुराउनी, खाउली राती दरैमा’ करिब २० लाख १५ हजार पटक हेरिएको छ । म्युजिक नेपाल युट्युब च्यानमार्फत एक साताअघि सार्वजनिक गीतमा कलाकार रीमा विश्वकर्मा, जुना सुन्दास र आभा थापा फिचर्ड छन् ।

यस्तै गायिका अस्मिता डल्लाकोटीको ‘पीर कल्लाई छैन र’ गीत करिब १८ लाख पटक हेरिएको छ । गीत डल्लाकोटीकै युट्युब च्यानलबाट एक महिनाअघि सार्वजनिक भएको थियो । गीतमा शक्तिकुमार गोदार, सम्झना थापा र रमामाया गोदार फिचर्ड छन् । उक्त गीत युट्युबको ट्रेडिङ नम्बर २२ मा छ ।

शान्तिश्री परियारको स्वर रहेको ‘लौ न नि भैया’ तीज गीत अहिलेसम्म करिब १६ लाख ८५ हजार पटक हेरिएको छ । उक्त गीतमा गायिका परियारसँगै चर्चित मोडल अञ्जली अधिकारी र अभिनेता पल शाहको अभिनय रहेको छ । उनको आफ्नै युट्युब च्यानलबाट सार्वजनिक उक्त गीत अहिले ट्रेडिङ नम्बर २ मा रहेको छ ।

गायक खुमन अधिकारीसहित २६ जनाको स्वरमा सजिएको ‘आफूलाई आफैं राम्रो’ गीत युट्युबमा अहिलेसम्म १६ लाख ४५ हजारभन्दा बढी पटक हेरिएको छ । गुड लक नेपाल युट्युब च्यानलबाट एक महिनाअघि सार्वजनिक गीतमा गायक अधिकारीसहित सबै गायिकाको अभिनय तथा नृत्य रहेको छ । उक्त गीतमा शर्मिला गुरुङ, जुना शिरिष, पूर्णकला बीसी, श्रीदेवी देवकोटा, माया गुरुङ, आशा बीसी, जानकी तारामी मगर, कालिका रोका, चन्दा अर्याल, मीना लामा, सुमन थापा मगर, सरिता कार्की, शान्तिश्री परियार, मञ्जु बिक, चिजा तामाङ, सुशीला गौतम, मीना बुढाथोकी, सीता श्रेष्ठ, आयुशा गौतम, पूजा देवकोटा, सलिना नेपाली, तारा थापा, शर्मिला बीसी, शर्मिला रायमाझी, उषा सुवेदी र शिला गजुरेल रहेका छन् ।

सन्तोष केसी, समीक्षा अधिकारी र राधिका हमालको स्वर रहेको ‘शहरिया छोरी बुहारी’ तीज गीत करिब १६ लाख पटक हेरिएको छ । गायक केसीकै युट्युब च्यानलबाट दुई महिनाअघि सार्वजनिक भएको उक्त गीतमा हास्यव्यग्य कलाकार किरण केसी, अंशु महर्जन, पल्पसा डंगोल, कमल गाउँले र शारदा गिरीको अभिनय रहेको छ ।

श्रीकृष्ण बम मल्ल र लक्ष्मी मल्लको स्वरमा रहेको ‘मेरो बुढा मेरो भगवान’ तीज गीत युट्युबमा १५ लाख ५७ हजारभन्दा बढी पटक हेरिएको छ । आरटी इन्टरटेनमेन्टबाट एक महिनाअघि सार्वजनिक भएको गीतमा नायिका प्रियंका कार्की, पछिल्लो समय चर्चित नेपाली सिरियल ‘सीता’ का कलाकार सहिन प्रजापति, सुनिशा बजगाईं, कुशल विष्ट, बालकृष्ण वली, समिया कार्कीको नृत्य तथा अभिनय रहेको छ ।

गायिका सुनिता दुलाल र खेम सेन्चुरीको स्वरमा रहेको तीज गीत ‘नबोल अरुसँग’ अहिलेसम्म १४ लाख ८० हजार पटक हेरिएको छ । गायिका दुलालकै युट्युब च्यानलबाट ३ साताअघि सार्वजनिक गीतमा गायिका दुलालसँगै प्रियंका कार्की, अञ्जली अधिकारी, गम्भीर विष्ट र सुरेश देवलको अभिनय रहेको छ ।

प्रीति आलेको स्वर रहेको ‘रनन रन्काउँदै, मादलु घन्काउँदै’ तीज गीत १२ लाख ३१ हजारभन्दा बढी पटक हेरिएको छ । गरिमा फिल्मस युट्युब च्यानलबाट एक महिनाअघि सार्वजनिक भएको गीतमा गायिका आलेकै अभिनय तथा नृत्य रहेको छ ।

गायिका रेखा शाहको ‘छमछमी नाचौं न’ गीत पनि १२ लाखभन्दा बढी पटक हेरिएको छ । गायिका शाहको युट्युब च्यानलबाट ३ साताअघि सार्वजनिक भएको गीतमा गायिका शाहसँगै नायिका प्रियंका कार्की र मोडल कविता नेपालीको अभिनय तथा नृत्य रहेको छ । उक्त तीज गीत अहिले युट्युबको टेड्रिङ नम्बर २१ मा रहेको छ ।

सन्तोष केसी, देवी घर्तीमगर र राधिका हमालको स्वर रहेको कमेडी तीज गीत ‘माइलीको भट्टी’ ११ लाख ६८ हजारभन्दा बढी पटक हेरिएको छ । गायक केसीको युट्युब च्यानलबाट तीन साताअघि सार्वजनिक भएको गीतमा हास्यव्यग्य कलाकार कमल गाउँले, अंशु महर्जन र पल्पसा डंगोलको अभिनय तथा नृत्य रहेको छ । उक्त गीत अहिले युट्युबको ट्रेडिङ नम्बर १५ मा छ ।

यस्तै गायिका सुनिता बुढा क्षेत्रीको स्वरमा रहेको ‘बिजुली चमक्क’ गीत युट्युबमा १० लाख ७३ हजारभन्दा बढी पटक हेरिएको छ । एक महिनाअघि कस्तुप पन्तको युट्युब च्यानलबाट सार्वजनिक भएको गीतमा अञ्जली अधिकारीको अभिनय तथा नृत्य रहेको छ ।

गायक खेम सेन्चुरीको स्वर रहेको तीज गीत ‘सासू बजै’ युट्युबमा ९ लाख ८० हजार पटक हेरिएको छ । गायक सेन्चुरीकै युट्युब च्यानलबाट २ साताअघि सार्वजनिक भएको गीतमा गायक सेन्चुरीसँगै चर्चित मोडल ललना चिमोरिया र हास्यव्यग्य कलाकार लुनिभा तुलाधर फिचर्ड छन् । उक्त गीत अहिले युट्युबको ट्रेडिङ नम्बर ५ मा छ ।

यस्तै शान्तारानी परियारको तीज गीत ‘म त ढले ढले’ युट्युबमा अहिलेसम्म ५ लाख ८८ हजार पटक हेरिएको छ । गायिका परियारकै युट्युब च्यानलबाट २ साताअघि सार्वजनिक गीतको भिडिओमा मोडल पल शाह, जुना विश्वकर्मा र श्रीयासी गुरुङ फिचर्ड छन् । उक्त गीत अहिले युट्युबको ट्रेडिङ नम्बर १३ मा रहेकाे छ ।