मंगोलिया १० रनमा अलआउट, ५ बलमै लक्ष्य भेट्यो सिंगापुरले
नेपाल प्रेस
२०८१ भदौ २० गते १२:०४
काठमाडौं। टी-२० विश्वकपको छनोटमा बिहीबार सिंगापुरले मंगोलियाले दिएको लक्ष्य ५ बलमै पुरा गरेको छ।
पहिला ब्याटिङ गरेको मंगोलिया केवल १० रनमा समेटिएको थियो। मंगोलियाका ५ ब्याट्सम्यानले खाता खोल्न सकेनन्। दुई जना खेलाडीले दुई-दुई रन जोडेका थिए भने मंगोलियाले २ रन अतिरिक्त पाएको थियो।
सिंगापुरका हर्ष भारद्वाज एक्लैले ६ विकेट लिए। उनले ४ ओभरमा २ मेडन राखेर ३ रन मात्र खर्चिएका थिए।
सिंगापुरले ५ बलमा एक विकेट गुमाएर लक्ष्य पुरा गर्यो।
पहिलो बलमै विकेट गुमाएको सिंगापुरका लागि विलियम्स सिम्पसनले २ बलमा एक चौकासहित ६ रन र रौल शर्माले २ बलमा एक छक्कासहित ७ रन जोडे।
नेपाल प्रेस
प्रकाशित: २०८१ भदौ २० गते १२:०४
प्रतिक्रिया
सम्बन्धित खवर
