किशोरीहरुलाई वेश्यावृत्तिमा लगाएको आरोपमा रेस्टुरेन्ट सञ्चालकहरु पक्राउ
नेपाल प्रेस
२०८१ भदौ २१ गते १६:५५
काठमाडौं । किशोरीहरुलाई वेश्यावृत्तिमा लगाएको आरोपमा ललितपुरको सातदोबाटोस्थित न्यू नमस्ते रेस्टुरेन्टका सञ्चालकहरु पक्राउ परेका छन् ।
पक्राउ पर्नेमा ३३ वर्षीय राजीव लामा र २५ वर्षीय शर्मिला कटुवाल रहेका छन् । उनीहरुलाई रेस्टुरेन्टका ग्राहकसँग पैसा लिएर किशोरीहरुलाई वेश्यावृत्तिमा लगाउने गरेको आरोप लागेको छ ।
मानव बेचबिखन अनुसन्धान ब्युरोका अनुसार उनीहरुले ग्राहकसँग एक हजारदेखि ५ हजार रुपैयाँसम्म लिएर किशोरीहरुलाई ५०० रुपैयाँ दिने गरेका थिए ।
ब्युरोले रेस्टुरेन्टबाट प्रयोग भइसकेका र प्रयोग नभएका कन्डमहरु पनि बरामद भएको जनाएको छ ।
नेपाल प्रेस
प्रकाशित: २०८१ भदौ २१ गते १६:५५
प्रतिक्रिया
सम्बन्धित खवर
