पहिरोमा परी डोटीमा हजुरआमाको मृत्यु, नातिनी घाइते
२०८१ भदौ २२ गते १७:३५
डोटी । डोटीमा पहिरोमा पुरिएर एक महिलाको मृत्यु भएको छ ।
जिल्लाको आदर्श गाउँपालिका- ३ आगरकी ६१ वर्षीया कौमतीदेवी ऐरको उन्ने ओडार भन्ने ठाउँमा माथिबाट आएको पहिरोमा परी मृत्यु भएको हो ।
कौमती शनिबार माइती जान घरबाट हिँडेकी थिइन् । उनको माइतीघर आदर्श गाउँपालिका- ६ सवखोलामा रहेको छ ।
कौमतीसँगै रहेकी उनकी नातिनी १२ वर्षीया भुवनेश्वरी ऐर घाइते भएको ३ नम्बरका वडाका अध्यक्ष दीपेन्द्रप्रसाद पाठकले जानकारी दिए ।
प्रकाशित: २०८१ भदौ २२ गते १७:३५
प्रतिक्रिया
सम्बन्धित खवर
