प्रादेशिक अस्पताल जलेश्वरमा डायलासिस सेवा सुरु
नेपाल प्रेस
२०८१ भदौ २३ गते १३:३४
जनकपुरधाम । महोत्तरीको जलेश्वरस्थित प्रादेशिक अस्पतालले पनि मिर्गौला रोगीका लागि डायलायसिस सेवा सुरु गरेको छ ।
अस्पतालका मेडिकल सुपरिटेन्डेन्ट डा. राजीव कुमार झाले डायलासिस सेवा तम्तयार अवस्थामा रहेको भन्दै सेवा लिन सर्वसाधारणका लागि सूचना जारी गरेका हुन् ।
उनले महोत्तरीका १५ वटै पालिकालाई समेत डायलासिस सेवा सञ्चालन भएकोबारे जानकारी गराएका हुन् ।
सूचनामा भनिएको छ, ‘त्यहाँ पालिकामा डायलासिस गराइरहेका मिर्गौला रोगीहरूलाई यस अस्पतालमा सेवा लिने गरी पठाई आवश्यक सहयोग गरिदिन हुन अनुरोध छ ।’
अस्पतालले डायलसिस सेवा लिन मोबाइल नम्बर ९८४४०३११९४ नम्बर पनि सार्वजनिक गरेको छ । उक्त नम्बरमा सम्पर्क गरी बिरामीको नाम टिपाउन अनुरोध गरिएको छ ।
नेपाल प्रेस
प्रकाशित: २०८१ भदौ २३ गते १३:३४
प्रतिक्रिया
सम्बन्धित खवर
