नदीमा डुबेर बहिनीको अवस्था गम्भीर, दिदी बेपत्ता

कैलाली । कैलाली धनगढी उप–महानगरपालिका बेली पुल नजिकै खुटिया नदीमा नुहाउने क्रममा दिदी बहिनी डुबेका छन् ।

धनगढी उप-महानगरपालिका १५ र ७ को बिचमा पर्ने बेली पुल नजिकै करिब १ बजे धनगढी १४ जी गाउँका महादेव अवस्थीको १६ वर्षीया छोरी जेनिशा अवस्थी १४ र वर्षीया सवि अवस्थी नदीमा डुबेको जिल्ला प्रहरी कार्यालय कैलालीले जानकारी दिएको छ ।

नदीमा नुहाउने क्रममा डुबेको खबर पाएपछि प्रहरीले खोजी कार्य जारी राखेको थियो । प्रहरी र स्थानीयले सविलाई पानीबाट निकाली उपचारको लागि धनगढी पठाएको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक कवीन्द्रसिंह बोहराले जानकारी दिएका छन् ।

उनको अवस्था गम्भीर रहेको छ । दिदी जेनिशा अझै फेला परेकी छैनन् । उनको खोजी जारी गरेको प्रहरीले जनाएको छ ।