एआई र रोबोटिक्समा आधारित पहिलो नेपाली उपन्यास ‘सावर्णि’ आउँदै
नेपाल प्रेस
२०८१ भदौ २५ गते १३:१२
काठमाडौं । आर्टिफिसिएल इन्टलिजेन्ट (एआई) र रोबोटिक्स विषय प्रधान नेपाली उपन्यास बजारमा आउने भएको छ । डा. श्रीधर खनालको ‘सावर्णि’ नेपाली साहित्यमा फरक विषयको उपन्यास बताइएको छ । प्रकाशक बुकहिलले ‘सावर्णि’ प्रकाशन गर्ने भएको हो ।
३६ वर्षीय लेखक डा. खनाल बाल रोग विशेषज्ञ हुन् ।
प्रकाशक भूपेन्द्र खड्काले यो उपन्यास महाभारत र कृष्ण युगका कथा र आज मानिस स्वयंले जन्माएको एआई र रोबोटिक्सको कथा समेटिएको बताए । पुस्तकमा मानव सभ्यताको विकासअघि र अहिलेको मानवसिर्जिन प्रविधि पनि उल्लेख छ ।
बुकहिलले यसलाई पहिलो नेपाली रोबोटिक्स फिक्सन बताएको छ ।
१७० पृष्ठको यो उपन्यासको मूल्य ४०० रूपैयाँ राखिएको छ । उपन्यास असोज पहिलो साता विमोचनको तयारी छ ।
नेपाल प्रेस
प्रकाशित: २०८१ भदौ २५ गते १३:१२
प्रतिक्रिया
सम्बन्धित खवर
