लिपुलेक कालापानी भारतको हो भनेकोमा मेटमणिलाई नेकपा एसले सोध्यो स्पष्टीकरण
नेपाल प्रेस
२०८१ भदौ २७ गते १९:३७
काठमाडौं । नेकपा एकीकृत समाजवादीले लिपुलेक कालापानी भारतको हो भनेकोमा उपमहासचिव मेटमणि चौधरीलाई स्पष्टिकरण सोधेको छ ।
भदौ २५ गते प्राइम टीभीमा दिएको अन्तरवार्तामा चौधरीले लिपुलेक र कालापानी भारतले दाबी गर्छ । भारतको दाबी पुग्छ, उसको दाबी पुग्छ … जस्ता अभिव्यक्ति दिएका थिए ।
महासचिव घनश्याम भूसालले चौधरीलाई स्पष्टीकरण सोध्दै लेखेको पत्रमा भनिएको छ, ‘अनेकौं तथ्यहरुले उक्त भूभाग नेपालको हो भन्ने कुरा स्पष्ट पारेका छन् । हाम्रो पार्टीको समेत दाबीका आधारमा उक्त भूभाग संविधानको अंग बनाइएको कुरा सर्वविदितै नै छ । त्यसविपरीत, मुलुकको अखण्डता र सार्वभौसमसत्ताका विरुद्ध तपाईंले किन बोल्नु भएको हो ?’
चौधरीलाई यसबारे ३ दिनभित्र लिखित स्पष्टीकरण दिन निर्देशन दिइएको छ ।
नेपाल प्रेस
प्रकाशित: २०८१ भदौ २७ गते १९:३७
प्रतिक्रिया
3 thoughts on “लिपुलेक कालापानी भारतको हो भनेकोमा मेटमणिलाई नेकपा एसले सोध्यो स्पष्टीकरण”
Leave a Reply
सम्बन्धित खवर
मेटमणी चौधरी भारतिय दलाल क्रिश्चियन मान्छे कस्तो खालको हो यसलाई तुरुन्त कारबाही गर सांसद बाट हटाउ नत्र यो भारतको लागि जे पनि बोल्ने छ
मैले पहिले देखि नै भन्दै आएको थिएँ कि यो भारतको टट्टु हो भनेर । यसले आफ्नो असली रूप देखाईहाल्यो ।भारतले केपि विरूद्वको आफ्नो रिस यो दलाल र मकवानपुरको खतिवडा थरको अर्को दलाल मार्फत पोख्थ्यो । यसलाई धेरै भाउ दिएर प्रश्न सोध्ने, हाईलाईट गर्ने पत्रकारमाथि पनि शंका छ ।
अब माकुने अध्यक्ष भएको पार्टीले मेटमणि लाई सांसद सदस्यताबाट हटाउन पहल गर्नुपर्ने हुन्छ। त्रिभुज कमरेड टिके महासचिव घनश्याम भुसालको पनि परीक्षा हुन्छ। अब पनि यो पार्टीले गरिखाला त?