येचुरीको निधनपछि भाकपा (मार्क्सवादी)ले छान्दैछ नयाँ महासचिव, यी हुन् सम्भावित नामहरू

काठमाडौं । भारतीय कम्युनिष्ट पार्टी (मार्क्सवादी) ले बहालवाल महासचिव सीताराम येचुरीको निधन भएपछि नयाँ महासचिव चुन्ने भएको छ ।

पार्टीको इतिहासमा पछिल्लो ६० वर्षपछि यस्तो हुन लागेको हो । सन १९६४ मा पनि वर्तमान महासचिवको मृत्यु भएपछि नयाँ नेतृत्व चयन भएको थियो ।

सात महिनापछि पार्टीको २४ औँ महाधिवेशन हुन लागेकोले नयाँ नेतृत्व प्रभावकारी हुने सियास्याट डेलीले उल्लेख गरेको छ ।

यो पनि पढ्नुहोस्- रहेनन् भारतका चर्चित कम्युनिष्ट नेता सिताराम येचुरी

यो पनि पढ्नुहोस्- येचुरीको लास नजलाइने, अस्पताललाई दिइने

यो पनि पढ्नुहोस्- रहेनन् भारतका चर्चित कम्युनिष्ट नेता सिताराम येचुरी

१७ पोलिटब्युरो सदस्यबाट को होलान् नयाँ महासचिव  ?

भाकपा (मार्क्सवादी)को पोलिसटब्युरो सदस्य सीताराम येचुरीसहित १८ जना थिए ।

येचुरीको बिहीबार निधन भएपछि १६ मा झरेको छ । जसमा पार्टीको प्रभाव क्षेत्र भएको केरेलाका मुख्यमन्त्री पिनारायी भिजायान सहित १६ जनाको नाम यस प्रकार छन्:

१. प्रकाश कारत

२. पीनारयी भिजायान

३. ब्रीन्दा कारत

४. मनिक सरकार

५. कोडियेरी बालकृष्णान

६. एमए बेबी

७. सूर्य कान्त मिश्र

८. मोहमद सलिम

९. शुभासिनी अली

१०. बिभी राधभुलु

११. जी रामकृष्णन

१२. तपन शेन

१३. तिलोतपल बसु

१४. रामचन्द्र दोमे

१५. ए भिजयघभन

१६. असोक धवाले

१७. एमभी गोबिन्दन

केरेलाका मुख्यमन्त्री पिनारयी भिजायान बन्ने बलिया अनुहार हुन सक्ने तर केरेला सरकारका कमजोरीको कारण उनको सम्भावना कम भएको बताइएको छ । तर, पार्टीको प्रभाव क्षेत्र केरेला नै भएकोले केरलाबाट प्रतिनिधित्व गर्ने एमए बेबी, एमभी गोबिन्दन र ए भिजयघभन छन् । उनीहरूमा एक महासचिव हुने आँकलन गरिएको छ ।

वरिष्ठताका आधारमा भने पूर्वमहासचिव प्रकाश कारत र उनकी पत्नी पूर्व सांसद वृन्दा करात माथि छन् । भारतका २९ राज्यमध्ये अहिले कम्युनिस्ट पार्टीले सरकार चलाएको एक मात्र राज्य केरल भएकाले केरलकै व्यक्ति महासचिव बन्ने चर्चा छ ।