जर्मनीका युद्ध पानीजहाज ताइवान क्षेत्रमा, चीनले दियो चेतावनी

काठमाडौं । जर्मनीका युद्ध पानीजहाज ताइवान टापु क्षेत्रमा आएका छन् । ताइवान टापु हुँदै जर्मनीका युद्ध पानीजहाजले फन्को लाएपछि चीनले जर्मनीलाई चेतावनी दिएको जर्मनीको विश्व च्यानल डिडब्लूले उल्लेख गरेको छ ।

डिडब्लूका अुनसार चिनियाँ जनमुक्ति सेनाका प्रबक्ता लि सीले भनेका छन्, ‘जर्मनी पक्षको व्यवहारले सुरक्षा खतरा बढाएको छ र यसले गलत सिग्नल दिएको छ ।’ लि सीले चीनले जल तथा हवाई शक्ति पठाएर चीनले उक्त क्षेत्रका सबै उत्तेजना तथा जोखिमहरुलाई चिर्ने चेतावनी दिएको बताइएको छ ।

जर्मनीका रक्षामन्त्री बोरिस पिस्तोरियसले दुई वटा जर्मनीका युद्ध पानीजहाजहरु ताइवान पुगेको स्विकारेका छन् । शुक्रबार जर्मनीले पठाएको युद्ध पानी जहाज विगत दुई दशकमा पठाइएको पहिलो हो ।