रियल म्याड्रिडको जित, सोसिडाड पराजित
नेपाल प्रेस
२०८१ भदौ ३० गते ६:२१
हेटौँडा । स्पेनिस ला लिगामा रियल म्याड्रिड विजयी भएको छ ।
आइतबार बिहान सम्पन्न खेलमा म्याड्रिडले रियल सोसिडाडलाई २-० ले पराजित गरेको हो । म्याड्रिडको तर्फबाट दुवै गोल पेनाल्टी मार्फत सम्भव भएको थियो ।
पहिलो हाफ गोलरहित बराबरीमा रोकिएको खेलमा दोस्रो हाफको ५८ औँ मिनेटमा प्राप्त पेनाल्टी उपयोग गर्दै म्याड्रिडका भिनियस जुनियरले गोल गरे ।
दोस्रो हाफकै ७५ औँ मिनेटमा केलिएन एम्बाप्पेले गोल गर्दै टिमलाई जित दिलाए । एम्बाप्पेले पनि पेनाल्टी मार्फत गोल गरेका थिए ।
जितपछि म्याड्रिड ५ खेलबाड ११ अंक सहित म्याड्रिड दोस्रो स्थानमा रहँदा सोसिडाड समान खेलबाट ४ अंक सहित १६ औँ स्थानमा छ ।
नेपाल प्रेस
प्रकाशित: २०८१ भदौ ३० गते ६:२१
प्रतिक्रिया
सम्बन्धित खवर
