अमेरिकाको ओरिगन राज्यमा गैर नागरिकलाई मतदाता नामावलीमा राखिएको पुष्टि

काठमाडौं । अमेरिकाको ओरिगन राज्यमा गैर नागरिकहरूलाई पनि नागरिक सरह मतदाता नामावलीमा राखिएको पाइएको छ ।

अमेरिकी च्यानल फक्सन्यूजका अनुसार शुक्रवार ओरिगन राज्यका अधिकारीहरूले नै यसबारेमा स्वीकार गरेका हुन् ।

समाचार अनुसार ३०६ जना गैर नागरिकहरूको नाम मतदाता नामावलीमा पुगेको पाइएको छ ।

सन २०१९ मा ओरिगन राज्यले गैर नागरिकहरूलाई पनि सवारी चालक अनुमति पत्र प्रदान गरेको थियो । ओरिगनमा सूचीकृत भएका २०६ जना गैर नागरिकहरुमा मतदानमा भने दुई जनाले मात्रै भाग लिएको बताइएको छ ।

रिपब्लिकन पार्टीले गैर नागरिकहरूलाई नागरिकलाई मात्रै दिइने मताधिकार दिएर डेमोक्रेटिक पार्टीले चुनाव जित्न खोजेको आरोप लाउँदै आएको थियो ।

त्यही आरोपलाई पुष्टि गर्ने समाचार ओरिगनबाट सार्वजनिक भएको हो ।

ओरिगनका सरकारी अधिकारीहरूले यो कामले सन २०२४ को चुनावमा कुनै असर नगर्ने दाबी गरेका छन् ।