पूर्वसञ्चार तथा सूचना प्रविधिमन्त्री शर्मालाई पितृशोक

दाङ । पूर्वसञ्चार तथा सूचना प्रविधिमन्त्री एवं नेकपा माओवादी केन्द्रकी नेतृ रेखा शर्माका पिता वरिष्ठ साहित्यकार गिरिराज शर्माको बुधबार ८४ वर्षको उमेरमा निधन भएको छ ।

केही समयदेखि भैरहवामा बसोबास गर्दै आएका शर्माको स्वास्थ्यमा समस्या देखिएपछि बुधबार बुटवलस्थित गौतम बुद्ध मुटु अस्पतालमा उपचारका लागि लगिएको थियो । उपचारका क्रममा दिउँसो ३ः१५ बजे निधन भएको अस्पतालले जनाएको छ ।

शर्माको पार्थिव शरीर बिहीबार साँझ दाङको घोराही- १८ मसिनास्थित निवासमा श्रद्धाञ्जलीका लागि राखिएको छ । उनको बिहीबार बिहान मसिना सतीघाट कटुवाखोलामा अन्त्येष्टि गरिने शर्माको परिवारले जनाएको छ ।

नेपालको प्रगतिशील साहित्यिक आन्दोलनमा नेतृत्वदायी भूमिका निर्वाह गरेका वरिष्ठ साहित्यकार शर्माका झन्डै एक दर्जन कृति र दर्जनौं कविता प्रकाशित छन् । निवृत्त शिक्षक शर्माका चार छोरी र एक छोरा छन् । शर्माकी श्रीमती पार्वती शर्मा पौडेलको २०७७ साल चैत ९ गते निधन भएको थियो ।