हेटौँडामा ग्यास बुलेटको ठक्करबाट साइकल यात्रीको मृत्यु
नेपाल प्रेस
२०८१ असोज ५ गते ८:२९
हेटौँडा । हेटौँडा १० राप्ती पुल नजिकै भारतीय नम्बर प्लेटको ग्यास बुलेटको ठक्करबाट एक जना साइकल यात्रीको मृत्यु भएको छ ।
शुक्रवार राति हेटौँडाबाट पश्चिमी तर्फ जाँदै गरेको एन एल ०१ एल ९०२६ नम्बरको ग्यास बुलेटले साइकल यात्री भक्तपुर सुडाल घर भई हेटौँडा-११ थानाभर्याङ बस्ने ६० वर्षका रमेश पाण्डेलाई ठक्कर दिएको हो।
दुर्घटनामा गम्भीर घाइते पाण्डेको हेटौँडा अस्पतालमा उपचारका क्रममा मृत्यु भएको मकवानपुर प्रहरी प्रवक्ता प्रहरी नायब उपरीक्षक लक्ष्मी भण्डारीले जानकारी दिएका छन् ।
ठक्कर दिने ग्यास बुलेट र चालकलाई प्रहरीले नियन्त्रणमा लिइसकेको जनाइएको छ।
नेपाल प्रेस
प्रकाशित: २०८१ असोज ५ गते ८:२९
प्रतिक्रिया
सम्बन्धित खवर
