५८ जना कनिष्ठ कर्मचारीसँग यौन सम्बन्ध राखेकोमा चीनकी ‘सुन्दरी गभर्नर’ लाई १३ वर्ष कैद

काठमाडौं । चीनमा रोचक घटना भएको छ । ‘सुन्दर गभर्नर’ भनेर चिनिएकी चीनकी गुइचो प्रान्तको छिआनान पृफेक्चरकी नेतृले ५८ पुरुष कर्मचारीसँग यौन सम्बन्ध राखेको तथा ६ करोड युआन भ्रष्टाचार गरेकोमा १३ बर्स कैदको कारबाही भएको हो ।

५२ वर्षकी चोङ याङ नामकी उनलाई दश लाख युआन जरिवाना गरिएको साउथ चाइना मर्निङ पोस्टको पहिलो समाचार अहिले विश्वभर भाइरल भएको छ ।

विश्वविद्यालयमा इतिहास अध्ययन गरेकी उनले सन १९९४ मा कम्युनिस्ट पार्टी प्रवेश गरेकी थिइन्। गत जनवरीमा गुइचो रेडियो तथा टेलिभिजनले बनाएको एक डकुमेन्ट्रीमा उनको यौन र भ्रष्टाचारको खुलासा भएको थियो।

त्यसैको कसुरमा गत सेप्टेम्बर १ मा उनलाई चिनियाँ कम्युनिस्ट पार्टीबाट निष्कासन गरिएको थियो । साउथ चाइना मर्निङ पोस्टका अनुसार ५८ पुरुष प्रेमी बनाएकी उनको विवाह भएको थिएन।