देशद्रोहको कसुरमा हङकङका दुई पत्रकारलाई जेल सजाय
नेपाल प्रेस
२०८१ असोज १० गते १९:५५
काठमाडौं । देशद्रोह गरेको भन्दै हङकङको अदालतले दुई पत्रकारलाई जेल सजाय सुनाएको छ । हङकङमा भएको प्रदर्शनमा प्रदर्शनको पक्षमा समाचार लेख्ने संचार माध्यमका दुई पत्रकारलाई क्रमशः २१ महिना र ११ महिना जेल सजाय सुनाइएको छ ।
स्याण्ड न्यूज नामक अखबारका दुई सम्पादकहरु चुङ पुइ कुअन र प्याट्रिक ल्यामलाई क्रमशः २१ र ११ महिनाको फैसला सुनाइएको बेलायती विश्व च्यानल बीबीसीले उल्लेख गरेको छ ।
यस्तै उनीहरुको संचार माध्यमलाई पाँच हजार हङकङ डलर जरिवाना पनि गरिएको छ । सन् १९९७ मा चीनमा फकाईएको हङकङमा पत्रकारलाई देशद्रोहको नाममा सजाय सुनाइएको यो पहिलो घटना भएको बीबीसीले उल्लेख गरेको छ ।
नेपाल प्रेस
प्रकाशित: २०८१ असोज १० गते १९:५५
प्रतिक्रिया
सम्बन्धित खवर
