भारतीय माझी र डुङ्गाहरु छुटाइदिन श्रीलंकाली राष्ट्रपतिलाई भारतीय सांसद सुधाको आग्रह

काठमाडौं । भारतको प्रमुख प्रतिपक्षी दल भारतीय राष्ट्रिय कंग्रेसकी सांसदले नवनिर्वाचित श्रीलंकाली राष्ट्रपति अनुरा कुमारा दिसानायकेलाई भारतीय माझीहरुलाई रिहाइ गरिदिन आग्रह गरेकी छन् ।

न्यूज वायर डट आइकेका अनुसार सांसद आर. सुधाले राष्ट्रपतिलाई भएको कानूनी अधिकार प्रयोग गरेर खुला हृदय र खुला मस्तिष्कले श्रीलंकाका विभिन्न जेलमा भौतारिरहेका भारतीय माझीहरुलाई रिहाइ गर्न र उनीहरुको डुङ्गालाई सहिसलामत फिर्ता गर्न आग्रह गरेकी छन् ।

सांसद सुधाले भारतसँगको सम्बन्धको सकरात्मक गुडविल बनाउन यो प्रभावकारी हुने बताएकी छन् । आफ्नो चुनाव क्षेत्र माइलादुथुराईबाट थुनिएका ३७ जनालाई रिहाई गर्न उनले जोड गरेकी छन् । श्रीलंकाका जेलमा भारतका ८० माझीहरु थुनिएका तथा १७३ डुङ्गाहरु नियन्त्रणमा भएको न्यूजवायरले उल्लेख गरेको छ ।