हेजबुल्ला प्रमुख हसन नसरल्ला मारिएको इजरायली दाबी
नेपाल प्रेस
२०८१ असोज १२ गते १५:३७
काठमाडौं । इजरायलले लेबनानी लडाकु समूह हेजबुल्ला प्रमुख हसन नसरल्ला मारिएको दाबी गरेको छ ।
लेबनानको सहर बेरुतमा मारिएको इजारायली दाबी छ । तर, हेजबुल्लाले भने कुनै सार्वजनिक जानकारी दिएको छैन ।
कतारी विश्व च्यानल अलजजिराका अनुसार इजरायलले शनिवार भनेको छ, ‘हसन नसरल्लाले अब विश्वमा आतंक गर्न पाउने छैनन् ।’
शुक्रवार इजरायलले लेबनानको राजधानी बेरुतमा भीषण बमवारि गरेको थियो । एक अपार्टमेन्ट छ भवनलाई इजरायलले माटोमा मिलाएको थियो ।
उक्त आक्रमणमा हेजबुल्लाको दक्षिणी कमान्डर अली कर्कीलाई पनि मारिएको इजरायलले बताएको छ । हेजबुल्लाबाट यसको औपचारिक पुष्टि भएको छैन ।
नेपाल प्रेस
प्रकाशित: २०८१ असोज १२ गते १५:३७
प्रतिक्रिया
सम्बन्धित खवर
