सुनकोशी र रोशीकोबीचमा फसेका कुशेश्वर गुरुकुलका बटुकसहित ३३ जनाको २४ घण्टापछि उद्दार
नेपाल प्रेस
२०८१ असोज १२ गते १७:५५
काठमाडौं । सिन्धुलीको दुम्जास्थित कुशेश्वर महादेव परिसरमा अलपत्र परेका संस्कृत गुरुकुलका बटुक र शिक्षकहरूको करिब २४ घण्टापछि उद्धार गरिएको छ ।
सुनकोशी गाउँपालिकास्थित आदिलिङ्ग कुशेश्वर मन्दिर परिसरमा रोशीको बाढी पसेको थियो ।
बाढीले सबैतिरबाट घेरेपछि नदीबीचमा फसेका गुरुकुलका ३३ जनालाई हेलिकोप्टरबाट शनिवार साँझ उद्धार गरिएको पूर्व मन्त्री गंगानारायण श्रेष्ठले जानकारी दिए ।
सुनकोशी गाउँपालिका १ दुम्जामा रहेको कुशेश्वर महादेव गुरुकुलमा अध्ययनरत बटुक र शिक्षक बाढीको बीचमा फसेको जिप्रका सिन्धुलीका प्रमुख गोविन्द राज काफ्लेले जानकारी दिए ।
मन्दिकारे पछाडि सुनकोशी नदी र अगाडी रोशी खोलाको बाढी आएको हुँदा शिक्षक र विद्यार्थी फसेका थिए ।
उनीहरुलाई गजुलीदहमा सुरक्षित रुपमा राखिएको नारायण अधिकारीले जानकारी दिए ।
नेपाल प्रेस
प्रकाशित: २०८१ असोज १२ गते १७:५५
प्रतिक्रिया
सम्बन्धित खवर
