पाकिस्तानमा फेरि गोली चल्यो, सात कामदारको हत्या
नेपाल प्रेस
२०८१ असोज १४ गते १३:२५
काठमाडौं । पाकिस्तानको बालुचिस्तान प्रान्तमा फेरि पनि गोली चलेको छ ।
गोली लागेको सात पन्जाबी कामदारहरुको हत्या भएको जर्मनीको विश्व च्यालन डिडब्लूले उल्लेख गरेको छ ।
डिडब्लूका अनुसार पाकिस्तान प्रहरीले सात जनाको हत्या भएको र एक जना घाइते बताएको आइतबार बताएको छ । छुट्टै राज्यको माग गरिहरेको बालुचिस्तान क्षेत्रमा बिद्रोहीरुले पाकिस्तान सरकार र चीनले आफ्ना स्रोतसाधानहरु चोरिरहेको आरोप लाउँदै आएका छन् ।
गत अप्रिल, मे र अगस्टमा पनि यस्तै गोली प्रहारका घटनाहरु भएका थिए जसमा क्रमशः ११, ७ र ३९ जनाको हत्या भएको थियो । बालुचिस्तानमा भएको ग्वादर बन्दरगाह र चीनको बेल्ट एण्ड रोड इनिसिएटिबका अरु परियोजनाहरु जोड्ने परियोजनामा लक्षित गरेर यस्ता आक्रमण हुँदै आएको डिडब्लूले उल्लेख गरेको छ ।
नेपाल प्रेस
प्रकाशित: २०८१ असोज १४ गते १३:२५
प्रतिक्रिया
सम्बन्धित खवर
