दैवी प्रकाेप कोषमा सरकारले १ अर्ब जम्मा गर्ने, प्रधानमन्त्रीसहित मन्त्रीको एक महिनाको तलब
नेपाल प्रेस
२०८१ असोज १४ गते २१:०८
काठमाडौं । सरकारले प्रधानमन्त्री दैवी प्रकोप उद्दार कोषमा १ अर्ब जम्मा गर्ने निर्णय गरेको छ ।
सोमबार साँझ बसेको मन्त्रिपरिषद् बैठकले १ अर्ब सरकारले कोषमा जम्मा गर्ने र उक्त रकम अर्थ मन्त्रालयमार्फत जम्मा गर्ने निर्ण भएको हो ।
बैठकले प्रधानमन्त्री तथा मन्त्रिपरिषद्का सबै सदस्यले एक महिनाको तलब तथा सेवा सुविधा कोषमा जम्मा गर्ने निर्णय पनि भएको एक मन्त्रीले नेपाल प्रेसलाई जानकारी दिए ।
उनका अनुसार बैठकले अवरुद्ध भएका सडक तत्काल सञ्चालन गर्नका लागि पहल गर्ने, महंगी तथा कालोबजारी नियन्त्रणमा कडाई गर्ने निर्णय पनि गरेको छ ।
नेपाल प्रेस
प्रकाशित: २०८१ असोज १४ गते २१:०८
प्रतिक्रिया
सम्बन्धित खवर
