१६ वर्षपछि पर्दामा देखिए सफल जाेडी निरुता सिंह र उत्तम प्रधान (भिडिओ)

काठमाडौं । अभिनेत्री निरुता सिंह र अभिनेता उत्तम प्रधान कुनै बेलाका सुपरहिट जोडी हुन् । नेपाली चलचित्र क्षेत्रमा यी दुईको जोडीलाई दर्शकले लामो समय साथ दिए पनि । निरन्तर सक्रिय रहेर चलचित्रमा काम गरिरहेका यी दुई बीचमा गयल भए । अहिले पुनः यो जोडी ब्याक भएको छ । सफल चलचित्रहरुमा काम गरिसकेको यो जोडी १६ वर्षपछि पुनः पर्दामा सँगै देखिएका छन् ।

यी दुईले अभिनय गरेको ‘यो जुनी यस्तै भो’ म्युजिक भिडिओ सार्वजनिक भएको छ । बुधवार राजधानीमा एक कार्यक्रमको आयोजना गरी यी दुई अभिनित म्युजिक भिडियो सार्वजनिक गरिएको हो । सार्वजनिक गीतमा रचनाकार बबी लिम्बूको स्वर छ। उनले आफ्नो स्वर्गीय श्रीमानलाई समर्पित गर्दै गीतका शब्दहरु कोरेकी छन् ।

गीतमाा हरि लम्सालको संगीत र केशब भावुकको स्वर रहेको छ । गीतको भिडियो भावुक बनेको छ । मिराज अर्यालले निर्देशन गरेको भिडियोमा उत्तम र निरुताको साथमा यसोधा रुचाल र आलोक अर्यालको अभिनय पनि देख्न सकिन्छ ।

‘दर्पण छायाँ’ निर्देशक तुलसी घिमिरेको प्रमुख आतिथ्यमा ‘यो जुनी’ भिडियो सार्वजनिक गरिएको हो । निर्देशक घिमिरेले कार्यक्रममा बोल्दै भिडियो मार्मिक र मन छुने बनेको प्रतिक्रिया दिएका छन् ।