इरान हमलाको कडा निन्दा नगरेको भन्दै संयुक्त राष्ट्रसंघका महासचिवलाई इजरायल प्रवेशमा प्रतिबन्ध

काठमाडौं । मङ्गलवार इरानले इजरायलमा गरेको मिसाइल हमलाको संयुक्त राष्ट्रसंघका महासचिव एन्तोनियो गुतेरेसले कडा शब्दमा निन्दा नगरेको भन्दै इजरायलले उनलाई प्रदेश प्रवेशमा निषेध लगाएको छ ।

यो कुराको सार्वजनिक जनकारी इजरायली परराष्ट्रमन्त्री इजरायल कात्जले दिएका हुन् ।

आरटीका अनुसार कात्जले भनेका छन्, ‘दुनियाँका धेरै देशहरूले इजरायलमा भएको हमलाको निन्दा गरिरहँदा कसैले स्पष्ट रूपमा निन्दा गर्दैन भने उसले इजरायल प्रवेश गर्न पाउँदैन ।’

गुतेरेसलाई उनले संयुक्त राष्ट्रसंघको इतिहासको दाग भन्दै उनले चर्को आलोचना गरेका थिए ।

यद्यपि, गुतेरेसले इजरायलको यो कुरा आएपछि इरानी हमलाको विरोध गरेका थिए । त्यसबारेमा भने इजरायली प्रतिक्रिया आएको छैन ।

अन्तर्राष्ट्रिय न्यायालय होस् वा गाजामा काम गर्ने कर्मचारीको इजरायली गोला बारुदमा भएको हत्यामा होस्, इजरायल र राष्ट्रसंघको तनाव पटक पटक आइरहेका छन् ।