महंगा उपहार लिएको लगायत कसुरमा सिंगापुरका पूर्वमन्त्रीलाई १२ महिना कैद

काठमाडौं । सिंगापुरका एक मन्त्रीलाई भ्रष्टाचार गरेको आरोपमा १२ महिना कैद सजाय सुनाइएको छ । सिंगापुरमा हुने दुर्लभ घटना भन्दै जर्मनीको विश्व च्यानल डिडब्लूले समाचार बनाएको छ ।

१३ वर्ष मन्त्री भएका पूर्वमन्त्री एस. इस्वरनलाई सुनाएको फैसलामा उनलाई न्याय सम्पादनमा अवरोध गरेको तथा महंगा उपहार लिएको आरोप लाइएको छ । उनले तीन लाख अमेरिकी डलर अर्थात् चार करोड बढी नेपाली रुपैयाँ बढीको घुस लिएको आरोपमा सजाय पाएको बताइएको छ ।

व्यापार, संचार र यातायात जस्ता विभिन्न मन्त्रालय सम्हालेका ६२ वर्षका उनलाई सोमबार आत्मसमर्पण गर्न अदालतले आग्रह गरेको बताइएको छ । उनलाई विभिन्न ३५ कसुरमा मुद्धा लगाइएको थियो ।

अभियोजनकर्ताहरुले माग गरेको छ सात महिनाको कैद भन्दा धेरै सजाय अदालते सुनाएको हो । विश्वको सबैभन्दा राम्रो सुशासन भएको भनिने देश सिंगापुरको यो घटनालाई धेरैले चासोपूर्वक हेरेका छन् र यो विश्व समाचार बनेको छ ।