सुदूरपश्चिममा माओवादी नेताहरूको कार्य विभाजन : भट्टलाई प्रदेश मामिला, भाटलाई प्रचारको जिम्मा

कैलाली । नेकपा (माओवादी) केन्द्र सुदूरपश्चिम प्रदेश कमिटीले प्रदेशमा रहेका माओवादी नेताहरूको कार्य विभाजन गरेको छ । भूगोलमा रहेका केन्द्रीय सदस्यहरुलाई संघीय, प्रदेश तथा विभागको जिम्मा दिएको एक परिपत्र  मंगलबार  प्रदेश इन्चार्ज गिरिराजमणि पोखरेलले जारी गरेका गरेका छन् ।

 प्रदेश कार्यदलमा प्रदेश इन्चार्ज एव केन्द्रीय सचिव गिरिराजमणि पोखरेल, सदस्य स्थायी कमिटी सदस्य एव प्रदेश सह इन्चार्ज खगराज भट्ट, केन्द्रीय सदस्य तथा प्रदेश सह इन्चार्ज बिना मगरलाई राखिएको छ। प्रदेशका १६ प्रतिनिधि सभा, ३२ प्रदेश सभा, ३२ विभाग र ३२ जनबर्गिय सङ्गठनको जिम्मा तोकिएको छ ।

कञ्चनपुर निर्वाचन क्षेत्र १ २मा दिपा चौधरी २२मा निर्मला बडाल(जोशी), ३ २मा मान बहादुर सुनारलाई जिम्मेवारी दिइएको छ । प्रतिनिधि सभा सभातर्फ नै कैलाली  १ मा तिल बहादुर परिवार,२मा  लाल बहादुर सोडारी, ३मा कृष्ण कुमार चौधरी ४ मा   लक्ष्मीराम आचार्य र ५ मा  ओम प्रकाश पुनलाई तोकिएको छ ।

यस्तै अछाम १मा  दीपक बहादुर साउद, २मा  राम प्रसाद तिम्सिना,डोटीमा त्रिलोचन प्रसाद भट्ट , डडेल्धुरा२मा  कुन्ती जोशी,  बैतडीमा नरेन्द्र बहादुर कुँवर,  , दार्चुलामा लक्ष्मण दत्त जोशी,  बझाङ निर्वाचनमा मीन बहादुर कुँवरले जिम्मेवारी पाएका छन् ।

त्यस्तै विभागतर्फ स्कुल विभागको जिम्मेवारी ओमप्रकाश पुनले पाउँदा  प्रदेश संसदीय विभागको जिम्मा त्रिलोचन भट्टले पाएका छन् । सुदूरपश्चिम प्रदेश सभा सदस्य रहेका मान बहादुर धामीले अर्थ तथा योजना विभाग, रमेशसिंह धामीले वन तथा वातावरण विभाग .ओम विक्रम भाटले प्रचार तथा प्रकाशन विभागको जिम्मेवारी पाएका छन् । त्यस्तै शिवसिंह ओलीले भौतिक पूर्वाधार तथा यातायात व्यवस्था विभाग, लक्ष्मी विकले खानेपानी तथा सरसफाइ विभागको जिम्मेवारी पाएका छन् ।

त्यस्तै जनबर्गिय गठन र मोर्चाको जिम्मेवारी पनि तोकिएको छ ।  गणेश बमको उपचारका लागि सबै केन्द्रीय सदस्य र केन्द्रीय निकायका व्यक्तिहरुलाई २ हजार रुपैयाँ सहयोग गर्न पनि उक्त परिपत्रमा निर्देशन गरिएको छ ।