स्पेनको सहज जित
नेपाल प्रेस
२०८१ असोज ३० गते ७:२६
हेटौँडा । युरोपियन नेसन्स लिगमा स्पेनले सर्वियाविरुद्ध सहज जित दर्ता गरेको छ ।
मङ्गलवार राति स्पेनको घरेलु मैदानमा भएको खेलमा घरेलु टोलीले ३–० को सहज जित निकालेको हो ।
लिगमा स्पेनले खेलको पाँचौँ मिनेटमा अमेरिक लापोर्टको गोलबाट पहिलो अग्रता लिएको थियो ।
स्पेनको लागि अल्भारो मोरटाले खेलको ६६ औँ मिनेटमा दोस्रो अग्रता दिलाए भने एलेक्स बाइनाले ७७ औँ मिनेटमा तेस्रो गोल गर्दै स्पेनलाई ३-० को सहज जित दिलाए ।
खेलको ७६औँ मिनेटमा स्ट्राफिन्जा पाभ्लोभिकले सिधै रातो कार्ड पाउँदा सर्विया दश खेलाडीमा सीमित बनेको थियो ।
चार खेलबाट १० अंक जोडेको स्पेन समूह ए (४) को शीर्ष स्थानमा छ ।
७ अंकको डेनमार्क दोस्रो र चार अंकको सर्विया तेस्रो स्थानमा छ । स्विटजरल्यान्ड एक अंकसहित पुछारमा छ ।
नेपाल प्रेस
प्रकाशित: २०८१ असोज ३० गते ७:२६
प्रतिक्रिया
सम्बन्धित खवर
