रुस शत्रु भएको भन्दै जुध्न थप रकम र शक्ति दिन जर्मनी गुप्तचर प्रमुखको माग

काठमाडौं । जर्मनीका गुप्तचर प्रमुखहरूले रुस शत्रु भएको भन्दै थप रकम र शक्ति दिन माग गरेका छन् । जर्मनीका सांसदहरूलाई उनीहरूले यस्तो माग राखेको रुसी विश्व च्यानल आरटीले उल्लेख गरेको छ ।

रुसले जर्मनीको एकता कमजोर बनाउन सूचनादेखि साबोटेजसम्मको सबै हतकण्डा प्रयोग गरेको भन्दै यसको मुकाबिला गर्न अतिरिक्त पैसा र शक्ति उनीहरूले जर्मनीको सदन बुन्डेस्टागको कन्ट्रोल कमिटीमा सोमबार यस्तो माग गरेका हुन् ।

जर्मनीको सोसल डेमोक्रेट पार्टीका सांसद डिर्क विसेले रुसले आरटी र स्पुत्निकबाट मिथ्या सूचनाले जर्मनीलाई कमजोर बनाउन खोजेको बताएका थिए ।

अमेरिकाले रुसले अमेरिका र यूरोपेली देशमा चुनाव र लोकतन्त्रमा हस्तक्षेप गर्न ३० करोड यूरो बजेट विनियोजन गरेको आरोप लाइसकेको छ ।