अर्घाखाँचीमा ‘सरायँ नाच’को रौनक, हजारौँ सहभागी

नेपाल प्रेस

२०८१ असोज ३० गते २१:२६

रुपन्देही । अर्घाखाँची जिल्लाको मालारानी गाउँपालिकामा रहेको प्रसिद्ध धार्मिक स्थल राँगामारेको ऐतिहासिक सरायँ नाचमा बुधबार हजारौँको सहभागिता रह्यो ।

अर्घाखाँचीकोका मात्रै नभएर सो स्थानमा गुल्मी, प्युठान तथा आसपासका जिल्लाबाट ठूलो संख्यामा स्थानीयको सहभागिता रहेको स्थानीय कृष्ण पाण्डेले बताए ।

बडादसैँको दिनदेखि कोजाग्रत पूर्णिमासम्म जिल्लाका कोट तथा शक्तिपीठहरुमा ‘सरायँ नाच’ हुन्छ। सरायँ नाचमा महिला र पुरुषहरू हातमा तरबार, खुँडा, खुकुरी आदि लिएर ‘वाखै भाइ हो ह’ भन्दै सराएँ नाच्ने गर्दछन्।

हिन्दु सांस्कृतिक परम्पराको जगेर्ना साथै सबै समुदायबिच धार्मिक र जातीय सद्भाव कायम गरी भाइचाराको सम्बन्ध विस्तार गर्न सराएँ नाच नाच्ने गरिन्छ। सराएँ सबै जातजाति एकै ठाउँ भएर नाचिने नाच हो।