१४१ राष्ट्रको संविधान पर्गेल्दै भीमार्जुनले ल्याए दुई पुस्तक

काठमाडौं । संविधानविद् भीमार्जुन आचार्यले विश्वका १४१ वटा राष्ट्रका संविधानहरूको विवेचना गर्दै पुस्तक प्रकाशन गरेका छन् ।

fundamental rights in the worlds constitution नामको अंग्रेजी भाषाको पुस्तक उनले एकै पटक दुईवटा खण्डमा निकालेका हुन् ।

पुस्तक सार्वजनिक गर्न आचार्यले कुनै औपचारिक कार्यक्रम राखेनन् । दुई दिनअघि पुस्तक बजारमा आएको उनले जानकारी दिए । पुस्तक लेखन र अनुसन्धानमा झण्डै ८ वर्ष खर्चिएको उनले नेपाल प्रेसलाई बताए ।

पुस्तकमा १४१ राष्ट्रहरूको संवैधानिक अवस्था, संविधान निर्माणको पृष्ठभूमि, शासन पद्धति, सरकारका स्वरूप र मौलिक अधिकारको चर्चा गरिएको छ । यो पुस्तक पैरवी प्रकाशनले छापेको हो ।