पक्राउ पूर्जीपछि रविले लेखेः दुईतिहाइको सरकार जोगाइदिन म बलि चढ्नुपर्ने ?
‘सरकार मर्यो, हामीलाई जूठो पर्यो’
नेपाल प्रेस
२०८१ कार्तिक २ गते १७:३७
काठमाडौं । आफूविरुद्ध पक्राउ पूर्जी जारी भएपछि रास्वपा सभापति रवि लामिछानेले आक्रोश पोखेका छन् । नयाँ पुस्तालाई एक–एक गर्दै सक्काउदै जाने कुनियत देखिएको उनको टिप्पणी छ ।
सामाजिक सञ्जालमा आक्रामक स्टाटस लेख्दै उनले प्रधानमन्त्री केपी शर्मा ओलीविरुद्ध तीव्र प्रहार गरेका छन् ।
हेर्नुस रविको स्टाटसः
तपाई विचौलियाको सेवा गरे बापत लाखौंको चस्मा र जुत्ता लगाउने, मुद्दा मैले खेपि दिनुपर्ने ?
तपाई प्रमाणित भ्रष्टाचारी बाट करोडौंको जग्गा खुल्लम खुल्ला लिने,मैले ठगीको आरोप खेपी दिनुपर्ने ।
तिमीहरु राज्यका भए भरको शक्ति लगाएर अनुसंधान गर्दापनि केही भेट्दैनौ अनि तिम्रो एउटा नेताको राजनीति जोगाउन र तिम्रो दुई तिहाइको सरकार जोगाइदिन म बली चड्नु पर्ने ?
तिमी र तिम्रा नेता मिलेर सहकारी बाट ८७ अर्ब अपचलन गर्ने, मैले सहकारी ठग भैदिनु पर्ने ?
यति गरेपछि भाटभटिनीको इस्यु मोड्नपनि पाइयो। प्रमाण छ भन्ने युवा नेतालाई पनि भागेर हिड्न परेन। तर म कहिले भागेर हिडिन र हिड्दिन पनि। ओली जी, भ्रष्टाचारी समाउन मैले प्रधानमन्त्रीको अफर लत्याए, तिनै भ्रष्टाचारी जोगाउन तपाईले त्यही अफर रातारात विचौलियालाई साक्षी राखेर लिनुभो।वाचा स्वरुप तपाईंले मेरो बली चडाउने सम्झौता त्यसै रात गर्नु भएको थियो।यो मलाई राम्रो सँग थाहा छ।तपाईको मन्त्रीमण्डल त्यसको साक्षात प्रमाण हो। तपाईहरुका दलका नेता ÷कार्यकर्ता प्रमाणित सहाकारी ठग हुन् । कोहि जेलमा छन् कोहि फरार छन् ।तपाईहरु तिनलाई जोगाउन लागिपर्नु भएको छ। अब तपाईहरु बाट पीडितले न्याय पाउदैनन् । त्यसैले अब सहकारी पीडितको आवाजको नेतृत्व हामी गर्छौ।
ठिक छ,म तपाईहरुको दिनगन्ती शुरु भएको खुशियालीमा कानुनलाई पुरै सघाउने प्रतिवद्द्ता ब्यक्त गर्दछु ।
नयाँ पुस्तालाई एक एक गर्दै सक्काउदै जाने तिमीहरुको कुनियतले तिमीहरुलाई चाडै रसातलमा पुर्याएको यो देशले चाडै देख्ने छ। शुरूवात तिमीहरुले गर्यौ,अन्त्य हामी गर्नेछौ, नेपाली जनताले गर्नेछन्, छिट्टै गर्नेछन्।
अहिलेलाई,सरकार मर्यो हामीलाई जुठो पर्यो। तर मलाई न्यायलय प्रती आशा र न्याय प्रेमी जनता प्रति भरोसा छ। प्रिय रास्वपा परिवारका साथीहरू, शिर ठाडो राख्नु होला। तपाईको सभापतिले कसैलाई ठगेको छैन।
नेपाल प्रेस
प्रकाशित: २०८१ कार्तिक २ गते १७:३७
प्रतिक्रिया
4 thoughts on “पक्राउ पूर्जीपछि रविले लेखेः दुईतिहाइको सरकार जोगाइदिन म बलि चढ्नुपर्ने ?”
Leave a Reply
सम्बन्धित खवर
वाईयात ! आफू हिरो देखाउन जे पनि गर्ने ! जनताले पुरै बिझिसके नि, कुरा बुझ्नुभो ।
यति लामो भाषण लेख्नै पर्दैन । अहिले त अनुसन्धान गरेर मुद्दा दायर गर्ने क्रममा रहेको हो । तिम्रो पनि कुनै हिसावले संलग्नता देखिएकोले छानबिन गर्नुपर्छ भनेर तिम्रै पार्टीका प्रतिनिधिले समेत सहि गरेको प्रतिवेदनलाई आधार बनाएर तिमीमाथि छानबिन गर्न लागेका हुन् । छानबिनपछि आफूलाई निर्दोष सावित गरेर राजनीति हाँक र गगन, विश्वप्रकाश, रामहरिजस्ता वास्तविक र प्रमाणित भ्रष्टहरूको राजनीति सखाप पारिदेउ । कुरै साफ । किन यत्रो रोदन ?
KP Oli is corrupt. I am UML, but I now quit, including my parents, who have been paying levies for over 50 years… Nepal needs an uprising like Bangladesh to kick NC and UML as soon as possible.
Brother, ” गगन, विश्वप्रकाश, रामहरिजस्ता वास्तविक र प्रमाणित भ्रष्टहरूको राजनीति सखाप पारिदेउ -ke boleko, ali laj lagdaina? Oli ko sarkar le gare vayo ta. A ho ta Party Karlya ko lagi Jaggay line Neta po ho ta. Brother, Laj lai pani Laj lagyo hola. Oli ko bare ma aru kai na bhanam. Ma ra Family le aja bata UML quit gareko chau.