रास्वपाका कावा महामन्त्रीले भने- पोखराबाट न्यायको लडाइँ सुरू भयो

काठमाडौं । रास्वपाका कार्यबहाक महामन्त्री कबिन्द्र बुर्लाकोटीले अब न्यायको लडाइँ पोखराबाट सुरु हुने घोषणा गरेका छन्। पार्टी सभापति रवि लामिछानेविरुद्ध पक्राउ पूर्जी जारी भएपछि निर्दोषलाई झोस्ने, दोषीलाई पोस्ने नाटक बन्द गर्न सरकारलाई चुनौती दिएका छन्।

उनले भनेका छन्, ‘दोषी जति उम्काउने, दोषीसँग आफै करोडौंको उपहार लिने । निर्दोषलाई जबरजस्ती फसाउने ? यस्तो निर्लज्ज सरकार, यो सरकार होइन सरकारको नामको जनघाती कलङ्कहरूको गठबन्धन हो।’

उनले निर्दोषलाई जबरजस्ती फसाउने अराजनीतिक चरित्रका विरुद्ध घोर भर्सना गरेका छन्।

उनले थपेका छन्, ‘रास्वपा सभापति विरुद्ध पक्राउ पुर्जी जारी गर्न दशैंअघिदेखि निरन्तर प्रयास गरेको सरकार प्रमाण नपुग्ने भन्दै अदालतबाट बारम्बार रितो हात फिर्ता आएको थियो। सबैतिरको सेटिङ मिलाइसकेपछि आज बिना आधारको पक्राउ पुर्जी लिएर रवि लामिछानेलाई लिन भन्दै प्रहरीहरू सहर यस्तै त रहेछ हामीले भनेर नहुने भन्दै आइपुगे।’

निर्दोषहरूका न्यायका लागि अब यो देशमा आन्दोलन अगाडि बढ्ने भन्दै अब पोखराबाट न्यायको निम्ति लडाई सुरु गर्ने घोषणा गरेका छन्।

उनले भनेका छन्, ‘न्यायप्रेमी जनप्रतिमी देशप्रेमी साथीहरु पोखरा आउनलाई तयारी गर्नुहोला। सहकारी पीडितहरूलाई न्याय दे । निर्दोषलाई झोस्ने, दोषीलाई पोस्ने नाटक बन्द गर। उपहारको नाममा दोषीसँग करोडौंको घुस लिने घुस्या राजीनामा दे।’