नेपाललाई बराबरीमा रोकेको भुटानको श्रीलंकामाथि ४-१ गोलको जित
नेपाल प्रेस
२०८१ कार्तिक ५ गते १५:४५
काठमाडौं । नेपालमा जारी साफ महिला फुटबल च्याम्पियनसिपअन्तर्गत भुटानले सोमबार श्रीलंकालाई ४-१ गोलले हराएको छ ।
दशरथ रंगशालामा भएको खेलमा भुटानका लागि देकी लाजोमले दुई तथा नाम्गेल डेमा र दोर्जी इदोनले एक एक गोल गरे । भुटानले पहिलो खेलमा नेपाललाई गोलरहित बराबरीमा रोकेको थियो ।
देकीले ८ औँ मिनेटमा अग्रता दिलाएकी थिइन् । २२ औँ मिनेटमा श्रीलंकाले खेल बराबरीमा ल्याएपनि भुटानले पहिलो हाफमै अग्रता लिएको थियो ।
मध्यान्तरपछि उसले दुई गोल थप्यो । प्रतियोगिताअन्तर्गत सोमबार साँझ हुने खेलमा नेपालले मालदिभ्ससँग खेल्ने छ ।
पहिलो खेलमा मालदिभ्सले श्रीलंकासँग १-० गोलको हार व्यहोरेको थियो ।
नेपाल प्रेस
प्रकाशित: २०८१ कार्तिक ५ गते १५:४५
प्रतिक्रिया
सम्बन्धित खवर
