मालदिभ्समाथि नेपालको गोल वर्षा, ८-० ले अगाडि
नेपाल प्रेस
२०८१ कार्तिक ५ गते १९:००
काठमाडौं । साफ महिला फुटबल च्याम्पियनसिपअन्तर्गत अहिले भइरहेको खेलमा नेपालले मालदिभ्समाथी गोलको वर्षा गरेको छ ।
दशरथ रंगशालामा भइरहेको खेलमा नेपाल दोस्रो हाफ जारी रहँदा ८-० गोलले अगाडि छ ।
नेपालका लागि रेखा पौडेलले एक्लैले चार गोल गरेकी छन् । प्रिति राईले पनि २ गोल गरेकी छन् ।
खेलको सातौँ मिनेटमा प्रितिले सुरुवाती अग्रता दिलाएकी थिइन् । सबिता रानामगरले २८ औँ मिनेटमा अग्रता दोब्बर बनाइन् । रेखाले ३२ र ४२ औँ मिनेटमा गोल थपेपछि नेपाल पहिलो हाफमा ४-० गोलले अगाडि रहेको थियो ।
४८ औँ मिनेटमा गोल गर्दै रेखाले ह्याट्रिक पुरा गरिन् । ६३ औँ मिनेटमा रेखाले नै गोल गरेपछि नेपाल ६-० गोलले अगाडि बढेको थियो । प्रीतिले ६५ र अनु बस्नेतले ६८ औँ मिनेटमा गोल थपे ।
नेपाल प्रेस
प्रकाशित: २०८१ कार्तिक ५ गते १९:००
प्रतिक्रिया
सम्बन्धित खवर
