माल्दिभ्सविरुद्ध प्रीतिको पनि ह्याट्रिक, नेपालको ११ गोल
नेपाल प्रेस
२०८१ कार्तिक ५ गते १९:१७
काठमाडौं । साफ महिला च्याम्पियनसिप फुटबलअन्तर्गत अहिले भइरहेको खेलमा माल्दिभ्सविरुद्ध प्रीति राईले पनि ह्याट्रिक पूरा गरेकी छन् ।
रेखा पौडेलपछि प्रीतिले पनि ह्याट्रिक पूरा गरेकी हुन् । दशरथ रंगशालामा भइरहेको खेलमा नेपाल ११-० गोलले अगाडि छ ।
७ र ६५औं मिनेटमा सुरुका दुई गोल गरेकी प्रीतिले ८८औं मिनेटमा पेनाल्टीमार्फत गोल गर्दै ह्याट्रिक पूरा गरेकी थिइन् ।
नेपालका लागि रेखाले पनि ५ गोल गरेकी छन् । उनी ८३औं मिनेटमा सब्स्टिच्युट भएकी थिइन् । पहिलो हाफको ३२ र ४२औं मिनेटमा गोल गरेकी रेखाले ४८औ मिनेटमा ह्याट्रिक पूरा गरेकी थिइन् ।
६३ र ७८औं मिनेटमा थप दुई गोल गरेपछि उनलाई निकालेर अमिषा कार्कीलाई मैदान प्रवेश गराइएको छ ।
नेपाल प्रेस
प्रकाशित: २०८१ कार्तिक ५ गते १९:१७
प्रतिक्रिया
सम्बन्धित खवर
