प्रधानमन्त्री र ऊर्जामन्त्रीको आग्रह विपरीत कुलमानको निर्देशनमा काटियो बिहीबार राति दर्जनौं उद्योगको लाइन
नेपाल प्रेस
२०८१ कार्तिक ८ गते २२:१४
रुपन्देही । प्रधानमन्त्री केपी शमा ओली तथा ऊर्जा मन्त्री दीपक खड्काको आग्रहलाई अटेर गरी नेपाल विद्युत प्राधिकरणका प्रबन्ध निर्देशक कुलमान घिसिङको निर्देशनमा बिहीबार राति डेडिकेटेड र ट्रंकलाइन प्रयोग गरेका दर्जनौं उद्योगको लाइन काटिएको छ ।
उद्योगीको अनुसार साँझ ८ बजेदेखि काट्न थालिएको लाइन साढे ९ बजेसम्म ६० वटाको लाइन काटिएको हो ।
बिहीबार बिहान प्राधिकरण सञ्चालक समितिको बैठकमा ऊर्जामन्त्री दीपक खड्काले लाइन काट्न नहुने धारणा राखेका थिए र प्रधानमन्त्री ओलीको पनि उद्योगीलाई अहिले चिढाउन नहुने आशय रहेको थियो । तर बैठकले महसुलबारे कुनै निर्णय गर्न नसकेपछि बिहीबार रातीबाटै लाइन काट्न थालिएको हो ।
प्राधिकरणका प्रबन्ध निर्देशक कुलमान घिसिङ डेडिकेटेड र ट्रंकलाइन प्रयोग गरेका उद्योगले महसुल बुझाउनुपर्ने र ९० दिनको पूर्वनिर्धारित समय कटेकाले लाइन काट्न दवाव दिएको उद्योगीको भनाइ छ ।
नेपाल उद्योग परिसंघ लुम्बिनीका उपाध्यक्ष बाबुराम बोहोराका अनुसार बिहीबार राती दर्जनौं उद्योगमा लाइन काटिएको हो ।रुपन्देहीमा मात्रै १० वटा उद्योगमा राती लाइन काटिएको हो । यहाँ रहेका अर्घाखाँची सिमेन्टजीबी टेक्साइल, घराना फूड, गोयन्का फूड, एसआर फूड, भलबारी स्वचालित चामल मिललगायत १० उद्योगमा एकाएक लाइन काटिएको बोहोराले बताए ।
‘प्रधानमन्त्री, उर्जामन्त्रीको आग्रह विपरीत घिसिङको निर्देशनमा लाइन काटियो, यसमा कुनै प्रमाण छैन, यस्तो धरासायी भएको क्षेत्रलाई यसले थप निराश बनाएको छ, कानुनी आधार नभई उद्योगीले कसरी बिल तिर्ने ? साधारण शुल्क नियमित तिरिरहेका छन्, यस्तो दादागिरीले कसरी उद्योग चलाउने ?’, उद्योगी बोहोराले भने ।
नेपाल प्रेस
प्रकाशित: २०८१ कार्तिक ८ गते २२:१४
प्रतिक्रिया
5 thoughts on “प्रधानमन्त्री र ऊर्जामन्त्रीको आग्रह विपरीत कुलमानको निर्देशनमा काटियो बिहीबार राति दर्जनौं उद्योगको लाइन”
Leave a Reply
सम्बन्धित खवर
उध्योगी खान्दानहरुले भ्रस्टाचारीहरुका नाइकेसँग मिलेर आफुले बिजुली प्रयोग गरेको पैसा नतिर्ने चोरहरुलाई नेपाली जनताले झुन्ड्याएर पेटमा लात मार्नु पर्छ।
कुरा त सही हो । तर व्यापारीले मागेजस्तो प्रमाण दिन चाहिँ कुलमानलाई के ले रोकेछ ?
Electricity ko bil natirney aparadhi harule je magyo tehi dinuparney bhanne kaha lekheko cha .. ??
तिम्रो घरमा बालेको बत्तीको त तिमी महिनैपिच्छे बील आएपछि मात्र तिर्छौ । प्रमाण दिन त पर्यो नि छ भने । छैन भने यस्तो विषयको प्रमाण हुदैन भन्नुपर्यो । प्रमाण समाण दिन्न, मैले भनेपछि भनेको जति तिर्नुपर्छ भन्दा पनि अलि सुहायो त ?
मलाई अचम्म लागेको चाहिँ रातारात गरेर, हस्याँङ फस्याङ गरेर वील प्रमाण माग्ने लेखा समिति कागज थुपारेर सुतेको छ बाबा । किन हस्याङ् फस्याङ् गरेर मागेको पहिला ? कि बाहिर अनुमान गरेजस्तै ऋषिकेशले व्यापारीलाई पैसा नतिर्ने बनाउन ठेक्का पारेका ? ठेक्काको काम गर्न नसक्ने भएपछि दुलोभित्र छिरेका ? राज्यको अरबौं लेनदेनको गम्भीर मामिलामा रातदिन भनेपनि काम गरेर विषय टुङ्ग्याउनु पर्दैन ? नत्र किन हात हालेको ? अनि यो देशका व्यापारी त ठग्ने, तस्करी गर्ने, पैसा कमाउने विदेश लैजाने जस्ता काममा मात्र तल्लिन छन् । तिनले कर, शुल्क केही पनि तिर्दैनन । नेपाललाई कमाउने मैदान मात्र बनाएका छन् । अनि नेपालका नेता यिनै फटाहाहरूले दुई नम्बरीबाट कमाएको पैसाको हिस्सेदार भयो, जीवन गुजारा गर्यो । विभिन्न समितिहरू बनेर यति तिर्नुपर्छ पनि भनिसकेपछि अब तिर्न शुरूवात त गर्नुपर्छ व्यापारीले पनि । जे भए पनि अब लाईन जोडनु हुँदैन । विषयगत मन्त्रालय काँग्रेसको हो । उसले मिलाउनुपर्छ । ओलिलाई यस्ता कुरामा घानमा हालिदिएर काँग्रेस चुप लागेर बस्ने रविको केशमा जस्तै । जे भए पनि ओलि अब चुप लाग । काँग्रेसले के गर्छ हेर । काँग्रेस र कुलमान यानि कि माओवादी भिडेको हेरेर बस् । व्यापारीलाई भेट पनि नदेउ र कुलमानलाई पनि केही नगर । जिम्मा तिम्रो र एमालेको मात्र होईन काँग्रेसको पनि हो । प्रधानमन्त्री खान दिन गनेर बस्न हुने, राजनीतिक नियुक्तिमा कोटा गनेर बस्न हुने, समस्या समाधानमा चासो नै नदिने ? गौशाला धर्मशालाको केशमा जस्तै मन्त्रीलाई नै छोडिदेउ । माडवारीले देश त सके । उनीहरूले जे भन्यो त्यहि भैराखेको छ देशमा । देशको ठूलो चिन्ता लाग्न थालेको छ ।