‘तिहार फ्लोरा एक्स्पो २०८१’ भृकुटीमण्डपमा सुरु (तस्बिरहरु)
२०८१ कार्तिक ९ गते १२:५७
काठमाडौं । तिहार फ्लोरा एक्स्पो २०८१ आजबाट भृकुटीमण्डपमा सुरु भएको छ ।
नर्सरी व्यवसायी संघ नेपालको आयोजनामा ‘तिहारको उत्सव फूलको महोत्सव’ भन्ने नाराका साथ यस प्रदर्शनी सञ्चालनमा ल्याइएको हो । आजदेखि जारी उक्त प्रदर्शनी १३ गतेसम्म भृकुटीमण्डपमा सञ्चालन हुनेछ ।
मेलामा ६५ वटा व्यवसायिक स्टल लगायत वनस्पती विभाग, पुष्प विकास केन्द्र, सहितको अफिसियल ३ स्टल तथा प्रतिस्पर्धाको २ वटा स्टलसहित जम्मा ७० वटा स्टल रहेका छन् । मेलामा ३५ हजारले अवलोकन गर्ने साथै ७० लाख भन्दा बढीको आर्थिक कारोवार हुने अपेक्षा आयोजकको छ ।
एक्सपो अवलोकन गर्न सर्वसाधारणको लागि प्रवेश शुल्क प्रतिव्यक्ति एक सय रुपैयाँ, विद्यार्थीहरू र जेष्ठ नागरिकको लागि प्रति व्यक्ति ५० रुपैयाँ तोकिएको छ । 
प्रकाशित: २०८१ कार्तिक ९ गते १२:५७
प्रतिक्रिया
सम्बन्धित खवर
