‘जेरी अन टप’ को शुभमुहूर्त
नेपाल प्रेस
२०८१ कार्तिक १२ गते ९:३४
काठमाडौं । अनन्या फिल्मसको ब्यानरमा निर्माण हुन लागेको फिल्म ‘जेरी अन टप’ को आज शुभमुहूर्त भएको छ ।
ललितपुर पाटन स्थित बङ्गलामुखी मन्दिरमा सोमबार शुभमुहूर्त गरिएको हो ।
फिल्मको प्रमुख कलाकारमा भुवन केसी, बिपना थापा, अनमोल केसी, जसिता गुरुङ, आँचल शर्मा, सुरक्षा पन्त, केदार घिमिरे (माग्ने बुढा) निर्मल शर्मा रहेका छन् ।
फिल्ममा अनमोलको बुवाको भूमिकामा स्वयम भुवन केसी देखिने छन् भने आमाको भूमिकामा बिपना थापा खेल्ने बताइएको छ ।
सुयोग गुरुङको निर्देशनमा बन्न लागेको यो फिल्म यसै ।आजैबाट फ्लोरमा जाँदैछ ।
फिल्मको निर्माणमा सरोज न्यौपानेलाई दीपक भण्डारी, रविन शेरचन र रामकृष्ण श्रेष्ठले सघाएका छन् ।
यसको एसोसिएट निर्माता ओम अग्रवाल र विवेक थापा हुन् ।
यो फिल्मको प्रदर्शन अधिकार उपत्यकामा करण क्रेजीको रिच इन्टरटेन्मेन्ट र मोफसलमा एफडी कम्पनीले लिएको छ ।
नेपाल प्रेस
प्रकाशित: २०८१ कार्तिक १२ गते ९:३४
प्रतिक्रिया
सम्बन्धित खवर
